Hamısını xatırla oyunu

Lazım olanlar:oyununda istifadə etdiyiniz oyuncaqlar, kiçik ev və məktəb əşyaları, qələm, qeyd dəftəri.

 Yerə bir örtü sərin. Tapa bildiyiniz qədər oyuncağı, kiçik ev və məktəb əşyalarını örtüyün üstünə düzün. Əşyaların  adını sıra ilə qeyd dəftərinə yazın. Uşağınıza örtüyün üzərindəki əşyalara iki dəqiqə diqqətlə baxmasını söyləyin. Vaxt bitdikdən sonra  uşaq arxasını əşyalara dönsün və örtünün üzərində nələr gördüyünü adlarıyla saysın. Siz də, qeyd dəftərində saydığı əşyanın üzərindən xətt çəkin. Eyni əşyanı təkrar dediyi zaman "bunu  demişdin” deyə ona xatırladın. Əgər oyun uzanır və uşağınız əşyaların hamısını xatırlaya bilmirsə, "Xatırlaya bilmədiyin dörd əşya qaldı, üç əşya qaldı” deyərək ona kömək edin. Hamısını bildiyi zaman onu kiçik bir hədiyyə ilə mükafatlandırın.