"Sağlam olaq" klubunun görüşləri davam edir. 18 dekabr 2015 – ci il tarixində keçirilən növbəti görüşümüz  Binəqədi rayon 283 saylı orta məktəbdə   baş tutdu.  Valideynlərin iştirakı ilə keçirilən bu görüşə "Sağlam olaq" klubunun rəhbəri Xuraman Əsgərova ,”Pətək “İB – də fəaliyyət göstərən  “Yeni nəsil" valideyn klubunun rəhbəri Sevinc Quliyeva və psixoloq Şəhla Hilalqızı gəlmişdi.

“Yeni nəsil “Valideyn klubunun rəhbəri Sevinc Quliyeva öz çıxışında qeyd ed ki, : “Pətəkdə fəaliyyət göstərən  "Yeni nəsil" valideyn klubunun əsas məqsədi uşaqların sağlam həyat tərzinə mane olan problemləri araşdırmaq, problemin qaynağını tapmaq və təbii ki, problemi həll etməkdir. Məhz bu məqsədlə valideynlərlə vaxtaşırı pikniklər, müxtəlif ekskursiyalar təşkil edilir. Bu gün sizinlə görüşməyimizin əsas məqsədi bu problemləri birlikdə tapmaq və həllinə kömək etməkdir".

Pedaqoq – psixoloq Şəhla Hilalqızı valideynləri maraqlandıran sualları ətraflı cavablandırdı.